المحطة جريدة إليكترونية شاملة
بقلم سلوي محسن
احترموا بعض ديما مش قدام الناس وبس لازم كمان بينكم وبين بعض
أدعموا بعض ديما في المواقف الصعبه
اوعوا تقللوا من شأن اي حاجه عند الطرف الآخر حتى لو صغيره او مش مهمه
سيبوا لبعض مساحة للكلام حتى لو الكلام مش مهم
ثقوا في بعض الثقه أهم حاجه في علاقتكم
أوصلوا ديما لحل وسط وتنازلوا لبعض شويه مش مهم مين فيكم الصح
سيبوا الماضي للماضي وبدءو من جديد
شجعوا بعض وادعموا بعض بكلام هادف وراقي
تقبلوا فكرة إن الطباع مختلفه بين اي إتنين
خلوا الصراحه ديما ما بينكم بس بدون تجريح
إفتكروا ديما المناسبات الخاصه ما بينكم وأحتفلوا بيها
خصصوا وقت في اليوم تقعدوا فيه تطمنوا على بعض
جربوا كل حاجه جديده مع بعض أكسروا ملل وروتين الحياة
اعتذروا عن الخطأ إحنا بشر والاعتذار ما بيقللش من صاحبة
إتصالحوا ديما قبل آخر اليوم
إنسوا وسامحوا
اظهروا مشاعر الامتنان والشكر حتى لو على حاجه صغيره
إتصاحبوا خليكم أصدقاء مش أزواج وبس
هونوا على بعض عشان الحياة بقت صعبه
طبطبوا على بعض واحضنوا بعض العالم بره بقى فعلا صعب
