المحطة جريدة إليكترونية شاملة
بقلم عائشة محمود
زينه لمحت صحفي من الجريده الي هي شغاله فيها ماسك نفس الاجنته الي هي وقعت منها وحست بفرحه ان كان في حاجه ضايعه منها ولقتها حاجه معنويه اكتر من انها ماديه قالتله بلهوجه “لو سمحت هي الاجنته دي جبتها منين” قالها “الاجنته دي اشترتها من مكتبه عادي لو عجباكي ممكن تاخديها هي لسه جديده” في لحظه حست باحساس غريب ان ازاي ممكن حاجه متكنش ليها ومتكنش منتميه حتى لحد تعرفه بس وجودها عامل كده فيها ازاي ممكن شئ مادي يعوض احساس الونس للدرجه دي ممكن نتعلق باحساسنا للونس حتى لو كان الونس ده كان مع شئ مادى، خلصت زينه الحدث وروحت البيت نامت شويه وعدت على يُسر وحُسن وهناك لقت “يُسر” تعبانه جدا ورغم انها مش بتعمل اي مجهود الا ان تعبها زايد اخدت زينه “يُسر” للمستشفى بسرعه واتفجات من الكلام الي قاله”يُسر عندها ورم في المخ مأثر على جسمها والاغماءات المتتاليه نتيجه ضغط الورم على المخ وللاسف مكان الورم خطير جدا ومش سهل تعمل عمليه ولو هتخضع للعمليه دي لازم امضاء منكم على إقرار ينص على تحملكم المسؤليه وان المستشفى غير مسؤله” للحظه قعدت فيها زينه في ارض المستشفى رجليها مش قادره تشيلها ومجرد التفكير ف وحده يُسر في التعب وان هي لسه صغيره خلتها منهاره من العياط لفتره مش طويله بعد ما أدركت انها لازم تكون مستعده انها تقويهم اتصلت برئيس التحرير وقلتله وصوتها مليان حزن ورعشه وكلامها تقيل على لسانها ” مساء الخير انا مش هقدر اشتغل الفتره دي وهقفل تليفوني عندي ظروف بمر بيها اول ما تخلص هعدي عليك ونتكلم اسفه بس كان لازم اوضحلك قبل ما اقفل تليفوني” ولأول مره مكنتش متلهوجه ومتسرعه في كلامها وهي بتكلمه رد عليها “انا متفهم رغم اني مش عارف ايه الي بيحصل لو احتجتيني انا موجود انتي صحفيه متتعوضش” بعد ما قفلت معاه راحت زينه للاوضه الي فيها” يُسر وحُسن ” وحاولت ميبنش على ملامحها اي حاجه من الي عرفته وقالتلهم” الدكتور قال اننا هنعقد فتره أطول هنا وهنعمل شويه تحاليل علشان نطمن الساعه قربت على ١٠ اخوكم أنس بيجي في المعاد ده ف أنا هروح اقابله وهخليه يبجب هدوم ليكم ونجيلكم” وطمنتهم شويه وبعد ما طلعت من الاوضه جريت حُسن عليها وحضنتها جامد وقلتلها وهي بتعيط” انا مش عارفه من غيرك كان ممكن نعمل ايه متسبيناش” طمنتها زينه رغم انها محتاجه الي يطمنها ومشيت راحت علي شقتها اخدت هدوم ليها وجهزت الشنطه علشان بيات المستشفى وفضلت مستنيه أنس بس اتفجات من الي شافته…
يتبع
