المحطة جريدة إليكترونية شاملة
بقلم سلوي محسن
طول ما أحنا عايشين هنمر بأزمات كتير في حياتنا مادية صحيه عاطفيه مع أهلك مع صحابك في شغلك هنقع وهنتكعبل وممكن كمان نتكسر كتير هنتصدم وكتير هنتخذل الحياة مش بسيطه ولا سهله لازم نعترف إن كل حاجه في أولها صعبه
دروبات الحياة مش بتخلص المهم بقى إن كل وقعه مينفعش تعدي كدا وتمر علينا مر الكرام لازم نتعلم منها الشاطر إللي لما يقع مايفضلش قاعد في مكانه حتى لو إتكسر يقوم ويتعكز على نفسه ويكمل المشوار اكيد في الواقعه دي هيفقد حاجه المهم إنك متقفش وتفضل باصص عالجزء اللي فقدته انت كدا بتأخر نفسك كمل من غيرها اه كل وقعه بتسيب ندبه كل وقعه بتاخد جزء من روحنا معاها هيمر وقت طويل عشان تتعافي
بس إياك تستسلم عمر الإستلام ماكان حل عافر وحافظ على الجزء الباقي من روحك ديما اخر النفق في مخرج بالصبر والإراده اكيد هتكمل قول لنفسك ديما إنك قوي إستعن بالله ولا تعجز..
