المحطة جريدة إليكترونية شاملة
بقلم عائشة محمود
دخلت زينه وجهزت الشنط للبنات وبعدها راحت علي شقتها واستنت لما أنس جه وحضر شنطته وراحوا على المستشفي وهناك البنات كانوا قاعدين بيضحكوا مع بعض بص أنس لي زينه وقالها “مش عارف المفروض أعمل ايه لو حصل حاجه ليهم هرجع يتيم تاني..” زينه بصتله بنظره تطمن وقالتله “ان شاء الله هيكونوا كويسين” ودخلوا وبداو يهزروا معاهم و حُسن قالتلهم “اخيرا يا زينه قابلتي أنس احنا حكينا عنك كتير ليه ” أنس قالهم انا هنزل احجز اوضه مرافق علشان تكوني على راحتك قالتله انا حجزتلك اوضه المرافق دي انا هعقد هنا مع البنات وانت ممكن بعد ما نتعشى كلنا تروح على هناك ولا ايه يا بنات ” البنات ردوا في صوت واحد ” اكيد طبعا معاكي ” أنس بصلهم وابتسم ليهم ابتسامه مخبي وراها خوفه وقله الحيله وبعد شويه راح على اوضه المرافق وزينه فضلت مع البنات تهون علي نفسها شعورها بالوحده وخوفها لترجع تاني للوحده دي وتاني يوم زينه راحت عند اوضه أنس وخبطت عليه ولقته صاحي قالتله “صباح الخير.. ها هتعزمني على القهوه ولا اعزمك” استغرب أنس من طريقه كلامها الي مليانه بهجه مع ابتسامتها وقالها “صباح الخير هعزمك انا هم البنات صحيوا انا كنت هروح اطمن عليهم بس قولت مقلقكيش معاهم” قالتله “انا قولت كده برده بص ده رقم تليفوني هنحتاح نتكلم مع بعض الفتره دي علشان هنقسم على بعض المهام ومتقلقش على البنات هم نايمين لسه دول أرقام دكاتره الاورام الممتازين وعلى درجه عاليه من الكفاءة وده رقم الدكتور الي تابع حاله حُسن لازم نكلمه في أسرع وقت ونخليه يرشح لينا أخصائي نفسي علشان نقولهم بالطريقه الصح في الوقت المناسب، صح قبل ما انسى انا عديت على عم حسين واخدتلك اجازه وحكتله كل حاجه وهو بيقولك لو احتجت اي حاجه كلمه وبعد ما تخلص قهوتك لازم نبدأ نتحرك ونشوف الدكاتره دي على ما يُسر تعمل الاشعه والفحوصات الي كده كده اي دكتور هيحتاجها ومتقلقش عليهم هم بنات عقلين ” أنس بصلها وهو مستغرب وقالها” انتي لحقتي عملتي ده كله امتى ونزلتي امتى دي الساعه ٨ونص الصبح لسه ” قالتله” دي أقل حاجه عندي خلص قهوتك علشان تبدأ بقى مهامك انت ” قالها” مهامي؟! ” قالتله” من هنا لحد ما البنات يعرفوا لازم مايكونش قلقك باين عليك ليهم وتطمنهم”
بص أنس ليها وفي باله قال…
يتبع
عائشه محمود
