المحطة جريدة إليكترونية شاملة
كتبت سلوي محسن
طول عمرنا بنسمع إن الأبواب المواربه بتجيب وجع ومشاكل وأذي وإن قفل البيبان بيريح علشان القصص بتموت وتنتهي بس في علاقات كتير مينفعش نقفل فيها الباب لازم نسيبه موارب..!
في علاقات صعب تنتهي العلاقات إللي سابت علامات جوا قلوبنا في ناس مينفعش تبعد عنهم حتى لو لازم تسيب فأنت مش هتقدر تسيب في خيط هيفضل رابط بينك وبينهم الناس دي سابت في حياتنا علامات ناس شوفنا بعنيهم الدنيا بجد ناس ضحكنا معاهم من القلب كنا لما بنتوجع منهم بنجري ونستخبي في حضنهم ونبكي…
زي مافي علاقات بتهد في علاقات بتبني علاقات بتخليك تنضج تبص للدنيا بمنظور تاني بتخليك تشوف الناس على حقيقتهم اه بنتوجع علشان الباب الموارب دا بيخلينا مش قادرين نبعد ولا قادرين نقرب..
في علاقات حتى لو قفلنا بابهاهتفضل ذكرياتها محوطانا ساعات الباب الموارب بيخلينا شايفين الناس اللي حبناهم حتى لو مش عارفين نقرب منهم ونحسهم بس بنبقي مطمئنين إنهم لسه موجودين ولو احتجنا ليهم في يوم هنلاقيهم نصيحه لما تفكروا تنهوا علاقه انهوها بحب بلاش توجعوا بعض إفتكروا ديما الحلو اللي كان بينكم عشان تقدروا تسيبوا الباب موارب.. وافتكروا ديما إن النهايات اخلاق….!
