بقلم الشاعر: محمود السعيد عبد الهادي
كنت بحلم في يوم واتمنى
بحاجات بتدور في عقلي كتير
منها أمتي يرجع ما بينا الاحترام والتقدير
ويصحى جوانا ياناس الضمير .
والحق يعود لأصحابه والصغير يحترم الكبير
وتعود الضحكة الحلوة اللي مفيهاش ياناس تزوير
ويعود الصدق اللي في كلامنا ويعود معاه الحب والخير .
وكفايه إلم وخداع دا الجرح صعب والله كتير .
ومش كل من ظلم في حياته يبقي شخص قدير .
دا يدوب عايش في خيال وخياله أقوي من واقع مرير.
تشوف نصايحه تحس أنه عالم كبير .
وحاجات تانيه مابين قليل و كتير .
و كأن الكل عايش حياته مابين صور وتصوير .
كنت بحلم بحاجات تاهت مابينا كتير.
أمتي يتحقق جوانا التغيير .
والكل يحترم شعور الغير .
بكل ألفه وبدون تزوير .
ومن غير أعادة كمان تدوير .
دا دعوة منك للعليم القدير .
يزيل عنك وعنا كتير.
وتعود حياتنا بكل خير .