المحطة جريدة إليكترونية شاملة
كتبت – فاطمة السيد :
علق الفنان رشوان توفيق على التصريحات المثيرة للجدل التي أطلقها الناقد الفني طارق الشناوي بحق الإمام الراحل الشيخ محمد متولي الشعراوي قائلًا : “ الشعراوي من أولياء الله الصالحين ووضع في منزلة عالية عند الله سبحانه وتعالى إذا كان ربنا سبحانه وتعالى جعل التلفزيون المصري وجميع قنواته بلا استثناء بعد كل أذان نسمع دعاء الشيخ الشعراوي بصوته هل الدولة دي مش فاهمه لدرجة تخلي الشعراوي هو اللي يصلي على سيدنا رسول الله كل أذان “
وتابع : “ أن الإمام الشعراوي ربنا أكرمه أن بعد وفاته صوته يملى الدنيا ده فضل من ربنا غير الأحاديث والفتوحات اللي ربنا كرمه بيها وهوبيشرح”
وأضاف عن الإساءة لفضيلة الشيخ الشعراوي :“ هو مش حاسس بالناس اللي بتغلط فيه هو في ملكوت الرحمن واللي بيغلط فيه حسابه عند ربنا “
واختتم : “هو حب ربنا وربنا كرمه كرم كبير أوي في شيوخ كتير لا يقلوا عنه عظمة لكن مش بنسمعهم كل أذان زي الشعراوي العالم كله بيحبه واللي بينتقد الشعراوي في ناس انتقدت أنبياء ،المنافقين كان بيكرهوا الرسول صلى الله عليه وسلم”.
