الأيام الحلوة

الأيام الحلوة 

بقلم – سارة القدوسي

راحت الناس الحلوة واللمة الجميلة وراحت معاهم الضحكة الحلوة

دلوقتي بتعدي من تحت البيت القديم

بيت أمك وابوك ال مبقوش موجودين..

أنت عارف أنهُم أكيد في مكان أحسن بكتير من ال احنا فيه..

كانوا ديماً مجمعين الشمل

والضحكة معاهم كانت طالعة من القلب

الأيام في البيت ده كانت مُختلفة تفرق عن أيامنا ال بقينا عيشنها

وكل حاجة وقتها كان فيها بركة

وكانت بتتجمع العيلة

دلوقت بقيت تمشى في الشارع تشوف قرايبك صدفة..

وبالكتير تعملوا سلام من بعيد..

وفي ناس منهم ممكن متسلمش عليك..

بقيتوا زى الأغراب.. دى حقيقة

كانت زمان النفس شبعانة والعين مليانة

لا تبُص فى ايد غيرها ولا تنكر فى يوم خيرها

والضحكة بتْسَمع من القلب وتزغرط

ونخاف لو طالت نقول اللهم اجعلُه خير

دلوقتي موجودة والنِفس مسدودة

ماهى راحت اللمة

والجنة من غير ناس

والله ما تنداس

راحت اللمة والناس الحلوة

وراحت معاهم الضحكة الحلوة

بس لو الأيام ترجع !

لكن مبترجعش