المحطة جريدة إليكترونية شاملة
كتبت – فاطمة السيد :
كشف المخرج محمد سامي عن سبب نجاح أعماله مع الفنان محمد رمضان دائمًا قائلًا : “أحنا عشان متفاهمين وبينا تعاون وبنعرف نفكر مع بعض وبينا توافق ذهني وأنا عمومًا مخرج بيخلي الممثل اللي معاه يمثل بأريحية وده واضح في أعمالنا مع بعض وحصلت كتير في تاريخ الفن إن يبقى في مخرج وبطل حصل بينهم نجاحات كتير واستثنائية بسبب التوافق ده “
وتابع : “أنا دايما بقول أني بحب الجملة بتاعتي اللي بكتبها لما محمد رمضان يقولها هو عنده إحساس ومشاعر في طريقة توصيل الجملة سواء هي جملة فيها تراجيديا أو فيها عصبية وهو ممثل استثنائي وشايف إن أكتر مرة كتبت فيها كلام وصل واتقال من الممثل بشكل وصل للمشاهد كان الكلام اللي كاتبه لمحمد رمضان “
