المحطة جريدة إليكترونية شاملة
القمر اللى منور
ياسبحان من صور
البدر فى اوصافه
مهما تدور وتدور
بنصبح ونمسي
وفى ليلي وفى امسي
ببعت شوق وتحية
للغالى اللى منامشي
مش ممكن اتصور
فى بدر كده منور
بيسابق احلامنا
وبيبحث ويدور
اشتاقنا وحبينا
علشانك غنينا
وسهرنا وحكينا
ايامنا وليالينا
ايامى كانت خالية
ولاحاسس بالدنيا
جيت انت فى ثانية
اتغيرت الدنيا
انا بشكر احلامى
وبصالح ايامي
وبفكر من تانى
فرحان انى خيالى
ولاقادر اتحور
واكون ضد مباديء
انا صابر وبحاور
وبدمى ومن وقتى
باوصف احلى ملاك
ولايمكن انساك
بتتجدد لى حياتى
انا عاشق بهواك
احساسي بالياس
قصة لسكة طويلة
فى صباحى و الامس
بوصف فترة عسيرة
انا راضى بنصيبي
انا راجع لحبيبي
فى الدنيا والاخرة
ده قدرى ونصيبي
بقلم محمد عباس
الاسماعيليه مصر
(.من ديوان سكة سفر )
