تأيد حكم الإعدام لقاتل نيرة أشرف

كتب- مصطفي قطب 

ترجع وقائع الجريمة إلى يوم 20 ويونيو 2022 عندما فوجئ المواطنين وطلاب جامعة المنصورة بأبشع جريمة وهى قصة نيرة اشرف أمام أعينهم لشخص ينهى حياة فتاة بسكين بطريقة انتقامية ليتم القبض عليه

 

أمام جهات التحقيق اعترف القاتل بكل جمود وقسوة قائلا “قلت أنا لازم أخلص عليها ومخليهاش على وش الدنيا ونزلت يوم 20 – 6 2022 ومعايا السكينة وركبت الأتوبيس ولقيتها قاعدة هى وزمايلها ولما شوفتها قلت دى فرصة أن أنا أريح نفسى وأخلص منها وهى نازلة من الباص، وأول ما نزلنا هى كانت سبقانى بشوية وأنا نزلت وكان كل اللى فى دماغى أن أروح أخلص عليها ومشيت وراها وأول ما قربت منها طلعت السكينة من الجراب اللى أنا كنت حاطه فيه وشفيت غليلى منها وفيه ناس قربوا منى علشان يحوشونى عنها فأنا قولتلهم محدش يقرب منى وهوشتهم بالسكينة عشان محدش يقدر يخلصها من إيدى لحد ما خلصت عليها خالص وساعتها فيه واحد مسكنى من ضهرى وشالونى بعيد عنها وده كل اللى حصل”.

 

كما تمت الجريمة بشكل سريع جاءت إجراءات التحقيق والمحاكمة على نفس الوتيرة لتحقق العدالة الناجزة في “23 يونيو 2022” تم إحالة المتهم لمحكمة جنايات المنصورة لمحاكمته..

 

لتبدأ محكمة جنايات المنصورة بتاريخ “26 يونيو 2022″، نظر أولى جلسات محاكمة المتهم وفى الجلسة التالية تقرر المحكمة في “28 يونيو 2022″، إحالة أوراق المتهم لفضيلة مفتى الجمهورية لاخذ الراى الشرعى بالاعدام..

 

عقب ورود راى المفتى في يوم “6 يوليو 2022” قضت محكمة جنايات المنصورة بإعدام قاتل الطالبة نيرة أشرف بإجماع الآراء..

 

تقدم عدد من المحامين ومن ابرزهم فريد الديب بطعن أمام محكمة النقض لتنظر النقض الطعن بتاريخ “9 فبراير 2023″ وتصدر حكم نهائي بات برفض الطعن وتأييد حكم الإعدام..

 

وفى النهاية نؤكد أنه مهما كان حذر ويقظة وحيطة الجانى فأنها لا تدوم طويلا وليس هناك جريمة كاملة ” فالجريمة لا تفيد” ويقظة أجهزة الأمن تجعل المجرمين يسقطون بعد ارتكاب جرائمهم فالقاعدة تؤكد أن مكان الجريمة مستودع سرها ومن النادر أن يتمكن الجانى من إخفاء كل أثر له بمسرح الجريمة لكن الجريمة لن تختفى ورجال الأمن وراء المجرمين بالمرصاد..