المحطة جريدة إليكترونية شاملة
بقلم-سحر أبوالعلا
99%من الناس اللى بيقولوا لك ماله حالك ما انت كويس اهو، لو كانوا مكانك مكنوش هيتحملوا ربع اللى انت متحمله و لو انت مش قوي مكنش ربنا شيلك الحمل ده و هو عارف انك مش قده ما هو ربك قال (لا يكلف الله نفسا إلا وسعها)
فاللي يقولك كدة قوله طالما معشتش اللي انا عشته يبقى تسكت احسن، او احسن تقوله خليك فى حالك.
احنا لو كل واحد فينا مشغول بنفسه و بحاله كانت مشاكلنا كلها هتتحل و الله لان معظم مشاكلنا يا اما بتكون بسبب تدخل من طرف آخر او بتكون بسبب عين او حقد او حسد
اتمني فقط ان نُعامَل كما نُعامِل.
قال رسول الله صل الله عليه وسلم من آمن بالله واليوم الآخر فليقل خيرا او ليصمت. صدق رسول الله.
فياريت كل واحد يبص علي حياة التاني لو عنده كلمة حلوة تقويه و تشجعه على اللي هو فيه يقولها و لو معندوش كلمة حلوة افضل من انه يهد اللى ادامه او يكسر عزيمته بكلام سيء أن يصمت.
فوالله لو عملنا بما قال الله عز وجل فى كتابه الكريم و كما قال حديث الرسول صل الله عليه وسلم لانصلح مجتمعنا وانصلحنا.
