مرتضى منصور: أنا بقيت مشجع درجة تالتة

كتب- حازم سعد

كشف مرتضى منصور، عن قراره بالرحيل عن الزمالك، وابتعاده عن النادي نهائيا بعد مباراة الفريق المقبلة ضد النصر السعودي التي ستقام اليوم الخميس، في البطولة العربية، كأس الملك سلمان للأندية الأبطال 2023.

وقال مرتضى منصور عبر مقطع فيديو نشره على حساباته الرسمية على مواقع التواصل الاجتماعي: “أنا خدت قراري أنا طالع برا المشهد وراجع مشجع درجة تالتة وهسافر بعد نهاية مباراة الزمالك والنصر”.

وأضاف مرتضى منصور: “بقول لممدوح عباس الخناقة بيني وبينك خلاص، أرفع الحجز عن الأرصدة بقى أنا مشيت خلاص، وأمير مشي من شهرين ورافض يرجع”.

وتابع مرتضى منصور: “أمير عامل عقود مع 3 لاعبين واللاعب الرابع أحمد فتوح.. وهيسلم العقود لاي حد يبقى مسئول عنهم”.

وواصل: “انا سايب النادي ومتنازلتش عن دولار واحد من غرامة كهربا وآخر معاد بكرة ولو مدفعش هيتوقف، هيدفع هيبقى فيه فلوس تفك أزمة مالية وندفع مرتبات اللاعبين”.

وأوضح مرتضى منصور: “الانتخابات يوم 31 أكتوبر واللي بيحب النادي ينزل الانتخابات، أنا بشوف النادي بينهار دلوقتي، أنا خلاص مشيت.. لو بتحب النادي أرفع الحجز عن النادي”.