المحطة جريدة إليكترونية شاملة
بقلم : حنان حامد
من اخطر مايصيب العلاقات بالفتور والانتهاء هو تجاهل المشاعر
نقول كمان
المشاعر لا تمنطق
موش لازم تقتنع بالاسباب اللي مخليه حد حزين عشان تصالحه لو الحد ده مهم عندك فانت شايفه زعلان (حتي لو موش مقتنع بالاسباب)
فدورك انك تقدر مشاعره
ولو كنت انت سبب الزعل( بالنسبة له) فلازم تعمل حاجه تصالحه لكن تسيبه وتكلمه عادي وتتعامل عادي كان شيئا لم يكن ده اسم تجاهل مشاعر نتيجته ايه بقى ان الطرف اللي زعلان بيزعل اكتر وبعدين يقفل من ناحيتك ويتعود وهنا الكارثة لانك بتكون خسرته فلو عاوز تخسر حد طنشه وتجاهل زعله وهو هايتعود
طيب مطلوب من حضرتك تعمل ايه لو انت مزعل حد ؟ ببساطه تكلمه مباشره وتقوله انت زعلت عشان كذا وكذا انا ماكنش قصدي ومااحبش ازعلك (اقرار مشاعر)
بعدين تقوله ايه يرضيك؟ او لو انت عارف تقوله انا هاعمل …… ده يرضيك ؟
وكده انت اتصرفت لكن تسيب الموضوع واقف زي الحجر في علاقتكم وتتكلم عادي وتتصرف عادي وتزعل او تتقمص لو الطرف التاني موش قادر يرد عليك او يتجاوب عادي ده للاسف تصرف احمق غير مسؤول لا يصدر ابدا عن انسان عاقل مكتمل النضج اي حد يعمل كده فانا اسفه اقول غير مكتمل النضج
الا اذا الا اذا عملها قاصد وبوعي عشان ينهي العلاقه ؟
القرار في ايدك انت مين ؟
العلاقات الطيبه في حياتنا رزق حافظ عليها
