المحطة جريدة إليكترونية شاملة
بقلم علا وحيد
مش هقولك هتكشكش ببلاش خد هنا… هقولك كل حاجه فالدنيا ليها استخدامات كتير.. حتى الوشوش.. الناس بتفضل ترمي بعضها بكلمه انت بوشين ويقصد بيها انه معانا كويس وممكن يطلع يتكلم علينا.. لأ انا اللى اقصده ب ١٠٠ وش ان كل واحد فينا فعلا عنده كذا وش..
ماهو مينفعش يبقى عندي مشكله، ووشي باين عليه الهم، واطلع لناس فرحانه ومبسوطه انكد عليهم، مش لازم أبين اللي جوايا والعكس. متجيش تتهمني وقتها اني بوشين عشان دي الأصول. انك تبقى مرن وتاخد كل واحد على قد عقله.. عاملو الناس على قدر عقولهم.. دي اسمها انت سياسي.. انت مرن.. انت معبتش فحد…
المشكله فعلا انك تبقى مفهمني انك حبيبي وتغدر بيا.. انك فضهري وتخوني.. إني عندك كل حاجه واطلع ولا حاجه. انك بتكلمني عشان مصلحه وأما تخلص تبعني. إن يبقى عندي مصلحه وفوشي بتدعيلي ومن ورا بتسعي توقفهالي. انك بتبقى فرحانلي ومن جواك غل ليا.
هي دي الوشوش الغلط..
ووشك اما تغيرو عشان متئذنيش عمرها متبقي غلط ولاعيب ولا حرام دا البسمه في وجه أخيك صدقه..
دمتم في امان الله
