المحطة جريدة إليكترونية شاملة
بقلم علا وحيد
ايها الشمتان… انت عارف انك بتفرح فمصايب الناس.. يعني تجردت من كل معالم الإنسانيه.. يعني انت حاقد وحاسد وناقم.. وان اللي بيسمعلك ويسقفلك ويشجعك بردو زيك مش انسان.
انت عارف ان الدنيا دواره.. ومش باقيه على حال.. وكما تدين تدان.. فلم نفسك عشان هي يوم ليك ويوم عليك.. متفردش نفسك وتحسسنا انك قوي.. وانك انت اللي ممشى حياتك بارادتك..
قال صلى الله عليه وسلم: لا تظهر الشماتة لأخيك، فيعافيه الله ويبتليك. رواه الترمذي
شكلك ايه قدام ربنا وانت شمتان عشان واحده اتطلقت.. ولا حد ساب شغله.. ولاحد عمل حادثه. كل دي مصايب.
وكلو كوم واسوء شئ انك تشمت عشان واحد مات.. يعني ايه احسن انه مات.. دا لو عدوك قول ربنا يغفرلنا ويغفرلها.. اذكرو محاسن موتاكم.. ولو مذكرتوهاش اسكتو واقفلو بقكو.. ويعني واحده ابنها مات وتروح تضيقها..
انتو عايشين ازاي.. ولا الاوبشن الجديد بتاعكم من غير أحاسيس ومشاعر.. اتقوا يوما ترجعون فيه إلى الله..
الناس اللي بتشجع واللي بتسكت.. وقفو ياجماعه الكلام الفاضي دا. دورو على سلوكيات الدين وحافظو عليها. ازرعوها الخير فولادكم ربوهم على الرحمه وعدم الاذيه
قال الله تعالى: وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا {الأحزاب:58}.
دمتم في امان الله
