المحطة جريدة إليكترونية شاملة
بقلم علا وحيد
الحياه عباره عن قرارات… اكيد فيها اللي صح وفيها اللي بيطلع غلط… قرار واحد ممكن يغير حياتك.. ياتعيش سعيد يا تبقى تعيس باقي الحياه.. ونرجع ونقول مش كل واحد فينا يقدر يعيش عيشه التاني… كل واحد ربنا مديله على قد طاقته.. لايكلف الله نفسا إلا وسعها.. متفضلش تقول لحد انت ايه اللي مخليك تعيش العيشه دي… يمكن عايشها عشان حاجات اسمي.. عشان خاطر ولاده.. عشان خاطر اهله… عشان ممكن يعيش عيشه تانيه بس ابشع.. ممكن يضيع.. مش هيبقى احسن.. سيب كل واحد فاللي هو فيه.. ومتحسسوش انه من غير كرامه… عشان ربنا بيحطك ساعات قدامه فمواقف بيعرف انك لو اتحطيت مكانه لازم هتسكت… عشان المركب تمشي.. مش كل السكوت ضعف او ذل.. ولا كل السكوت عشان الاكل والشرب.. اقفلو ودانكم عن كلام الناس.. في كيان اسمه البيت ولو في مجال للعيشه عيشوا… ولو فعلا هتوصل لاذي فتسريح بإحسان متستسهلوش البعد… هيجي اليوم وكل الحقوق بترجع لاصحابها.. بس الصبر متخلوش كلمه تجبكم ولا كلمه توديكم كل واحد ادري بظروفه… ويوم ما تقع حط في حساباتك انك انت اللي هتشيل ليلتك والكل متفرج.
دمتم في امان الله.
