المحطة جريدة إليكترونية شاملة
بقلم : رنا حسين
لكل راجل طلق مراته وانفصل عنها حابة اقول كلمتين .
طلقت مراتك انساها بعيوبها ومميزاتها متخليش سيرتها لبانة ف بوءك انت واي حد يعرفك.
لو شايل معاها مصاريف ولادك بلاش تحسسها انك متفضل عليها انك شايل معاها لان دة واحب عليك زي ما هو واجب عليها انها ترعي ولادها وتكبرهم وتحافظ عليهم .
ماينفعش يصدر منك افعال مشينة وتألف حواديت و حكاوي عليها عشان تنتقم منها، و ماينفعش تذلها علي الفلوس الي بتدفعها للولاد و تساومها علي خروج ولادها من المدرسة وعلي مسكنهم .
لما تطلقها متطلقش ولادك معاها لان ولادك كانو ف يوم سبب صبرها عليك وتحملها لحد ما المركب غرقت بيها .
افتكرو الاحسان الي كان بينكو ف يوم من الايام ماهو مش معقول كل ايامكو كانت جحيم ، يا سيدي متشكرش فيها بس علي الاقل متذمش فيها .
راعي ربنا في علاقتك بطليقتك واولادك بعد الانفصال يمكن تكون ديه شعرة تخلي ولادك بارين بيك لما يكبرو ويودوك ويحافظو علي علاقتهم بيك .
طليقتك انساها بس ولادك اوعي تنساهم متخلفش وترمي عشان هتتحاسب عليهم قدام ربنا .
( واتقو يوما ترجعون فيه الي الله )
