المحطة جريدة إليكترونية شاملة
سحر أبوالعلا
حبيتها زي ما حبتني
قولتلها نفس الكلام
اللي ياما قولتهولي
انتي حبيبتي
وشايفك بيتي
قولي كمان
حسيت في حضن
اديها زيي بالأمان
مشيت معاها في نفس الشوارع
وقعدتوا في نفس المكان
والغنوة اللي ياما سمعناها
سمعتها هي كمان
ولا معدتش فاكرها
ونستها زي ما نستني
لسة في قلبك ليا مكان
ولا خلاص بقيت زيي
زي امبارح.
فاكر اول مرة قابلتك
كنت سارح
كنت بتفكر في واحدة
قبل منّي جرحتها
ولا أنا كنت أول واحدة
في حياتك دخلتها
وإنها الأخيرة زي
منّي وعدتها
ولا لسة ناوي زي ما جرحتني
تجرحها تاني
وتيجي واحدة تالتة تاخد
مكانها و مكاني.
