الاميره الباكيه (الجزء الثانى والاخير )

تأليف/ اسماء يمانى

ومحستش بحاجه غير فجاه لقيت فارس برا الدائره وهى قدامه وبتشده ناحيتها.

فارس ” كنت تعبان اوى بس مكنش جيلى نوم كنت بفكر في جوريه وياترا هى عمله ايه وهل هلحق اجيب العلاج قبل المسابقه وافوز بيها ولا هخسرها واخسر حياتى معها ،كانت افكار كتير فى دماغى بس كنت حاسس انى مشتاق ليها اوى ونفسى اشوفها ،وفجاه لقيتها قدامى جوريه كانت واقفه وبتبص عليا وبتضحك ليا معقول اول مره جوريه تضحك ليه وتلاحظنى ولقيتها بتمد ايدها بحب وتقولى تعالى محستش بنفسى غير وانا ماشى ناحيتها وبروح ليها وعديت براء خط الحمايه بس مكنش هممنى اهم حاجه اشوفها واروح ليها ،

تاج الدين ” فارس ابعد بسرعه ديه جنيه الغابه مش جوريه

– فارس ” وبصيتله قولت لا ديه جوريه ولفت دماغى ليها تانى لقيت واحده شكلها وحش وشها شبه الهيكل العظمى وشعرها كان طاير لفوق وعينيها سودا وفجاه لقيتها بتشدنى ليها وقربتنى من وشها اوى وفجاه لقيت روحى بتنسحب منى ولقيت تاج الدين جرى عليا وحدفها بمسحوق الملح ، واول ماجيه عليها حرقها واختفت وانا وقعت على الارض كنت مفزوع منها وخايف من الى حصلى ،

– تاج الدين ” متخفش يافارس انا قولتلك متطلعش برا دائره الحمايه ، الغابه ملعونه والجنيات هنا شيطانيه بتاخد شكل اى حد قريب من الفريسه بتاعتها عشان تعرف تجيبها وتمتص روحهم وتخليهم شبها

فارس ” انا مش فاهم حاجه طيب هما بياخدوا اروحنا ليه

تاج الدين ” عشان تاكلهم وتقدر ترجع تتقمس فى اشكال انسان تانى وبتصطاد بطريقه ديه ،الغابه هنا خطيره وهتلقى كل حاجه شريره هنا انا حظرتك منها ولازم تاخد بالك ومتصرفش من دماغك غير لما ترجع ليا مفهوم

– فارس” وسمعت كلام تاج الدين لكن فكره ان شوفت جوريه حتى لو فى هيئه جنيه كانت كفيله تخلينى سعيد ،وتركنا المكان وفضلنا نمشى لغايه اخر الغابه لكن سمعت صوت خيل مع ان الغابه صعب يدخل الخيل فيها بسبب تعرجات المكان واحساس الخيل بالخطر المكان هنا استحاله يدخله ،حاولت امشى ناحيه الصوت شوفت حد راكب خيل و وملثم وشه لكن حسيت انى اعرفه قبل كده ولسه هقرب ناحيته عشان اشوف مين ده تاج الدين شدنى وقال انا مش قلتلك بلاش تبعد من هنا يالا بينا احنا خلاص وصلنا

-وخرجنا من الغابه الى ارض السحره الى كانت عمله زى عالم الخيال فيها جبال شاهقه وشلالات نازله بين الجبال كانت قطعه من الجنه فى جمالها وطبيعتها الخلابه ،فضلت فتره واقف سرحان فى جمال الطبيعه وفقت من شرودى على صوت تاج الدين وهو بيقول يلا عشان نروح على المدينه

– هى فين ديه انا مش شايف غير جبال

– تاج الدين ” مدينه السحره وراى الجبال هنا وكبار السحره بنهوها عشان تكون الجبال عازل وحمايه ليهم ،لكن مش عايزك تتكلم هناك مش عايز حد يعرف احنا مين عشان منبقاش فى خطر ،دلوقتى هنمشى فى الممر الى هناك بين الجبالين عشان يوصلنا ليهم

– فارس ” ومشينا فى ممر طويل بين الجبال وكانت الشلالات منظرها رائع وانا ماشى وسرحان سمعت صوت صهيل الفرس بصيت ورايا اشوف مصدر الصوت شوفت نفس الشخص الى على الحصان اول ماشفنى لمحته جري بين الجبال ،وقولت تاج الدين انا شوفت الشخص ده فى الغابه لازم نروح نشوف ليه بيراقبنا

– تاج الدين “لا اولا احنا غورب هنا ومنعرفش ده مين ولا عايز يوصلنا لاايه الحل الوحيد احنا نوصل لمدينه السحره ونسأل عن عائله نوران من غير ماحد يعرف احنا مين بس قبل كل ده ،امسك المسحوق ده عايزك ترشه عليك وانا كمان هعمل كده

– فارس ” ايه ده وليه اعمل كده

– تاج الدين ” ده مسحوق زهره ندى الشمس او دروسرا هى من رتبه القرنفليات تشبه راحه القرنفل وهى زهره معمره رائحتها مميزه وهى نبته معمره وتشبه رائحتهم ،لاننا راحتنا مميزه عندهم ،واول ماندخل مدينتهم هيعرفونا فهمت ،وخلى بالك ابعد عن الاماكن الى فيها اشجار لان النبته ندى الشمس تجذب الحشرات

( معلومه صحيحه عن هذه الزهره لكن تصحيح ليس تشبه الساحرات وهى نبته معمره واسمها ندى الشمس او دروسرا وهى تجذب الحشرات/ مش عباد الشمس خالص )

واول مادخلنا المدينه شوفت حاجه غريبه

اول مادخلت شوفت بيوت الساحرات وشكلها الغريب وهى تتكون من طابقين وشكلها مدبب وعليها زخارف ورسومات على هيئه شيطان وكل الى ماشين لبسين عبايه سوداء وغطاء راس على هيئه مثلث ويمارسوا حياتهم الطبيعيه عادى ،وتاج الدين وقف حد على الطريق وسأله عن عائله التى تنتمى منها نوران لكن الرجل نظر لينا بطريقه غريبه ،قال هما مش عايشين هنا العيله ديه اتلعنت من زمان من اهل السحر بسبب الى عملته بنتهم زمان

فارس ” طيب متعرفش عايشين فين وفين مكانهم

ومع طلوع الصباح سكتت الكاتبه عن الكلام المباح حين الديك صاح معلنا ان الصباح قد لاح والليل يشد الرحال ،

فارس ” طيب متعرفش عايشين فين وفين مكانهم

– عايشين فى البيت الى فى الجبل الى هناك انتم سحره وعارفين لما اهل السحره يلعنون حد بيوديهم الجبل الاحمر ومحدش يقدر ينزل من هناك حتى يأمر لهم ملك الظلام ،والجبل فى اخر المدينه

– فارس ” انا مش فاهم حاجه مين ملك الظلام

– تاج الدين “وانا بقوم ببحث عن عالم السحر سمعت عن ملكهم وهو شيطانى وعنده جبروت بيجبر اهل السحر انهم يستخدموا السحر الاسود فى سحرهم وهو من اسس ارض السحر لكى يحميهم من اهل الانس عشان لما يهمجوا عليهم فى اى وقت عشان كده سمعت الملك عمل هدنه معاهم من خوفه انهم يغدروا بيه ،بس اول مره اسمع عن قانون الانعزال بمن يعصى الامر

– وفعلا مشينا لغايه اخر المدينه ولقينا جبل كبير عليه زرع احمر ويحمل فى فوهة بركان قولت معقول طيب ازاى ناس عايشه هناك عشان كده سموه الجبل الاحمر ،لقيت واحد ورايا قال واسمه بردو جبل الحمم البركانى انتو مين وعايزين ايه من هنا

– لف تاج الدين اليه وقال احنا بنسأل على عائله انعزلت هنا بسبب ابنتهم خلفت قوانين السحر اسمها نوران

– لقيت الراجل بص لتاج الدين اوى وعينيه فيها غضب لينا وقال مافيش حد هنا بالاسم ده وامشوا من هنا بدل مايحصل ليكم مشاكل انتوا مش قدها

– فارس ” لو سمحت ساعدنى فى حد حياته واقفه عليهم احنا مش قاصدين ضرر لحد ارجوك ساعدنى

– بصلى وقالى انا قولت الى فى مصلحتكم وانتم احرار العيله ديه ملعونه وملك الظلام مانع اى حد يجى جنبهم لكن لو انتوا مصممين اطلعوا الجبل الاحمر وامشوا لاخره هتلقوهم هناك

– وفعلا مشينا انا وتاج الدين لاعلى الجبل الاحمر وفجاه لقيت من بعيد الشخص الملثم الى كان راكب الحصان بيراقبنا شوفته دخل فى بيت وسط الجبل جريت بسرعه وراه وتاج الدين جرى ورايا وينادى عليا ، ولقيت الشخص ده نزل من على الحصان ودخل البيت ده روحت وراه وزقيت الباب وطلعت السيف ووجهته عليه وقولته مين انت انطق بتراقبنا من واحنا فى الغابه عايز مننا ايه والصدمه الى مكنتش اتوقعها لما شال الشال من على وشه طلعت هى جوريه معقول طيب ازاى

– تاج الدين ” جوريه الى خلاكى تظهرى انا قولتلك انا هحل كل حاجه وابلغك فى الوقت المناسب

– فارس ” انا مش فاهم حاجه الى بيحصل هنا وانت تاج الدين مشترك معها طيب ازاى

جوريه ” استنى انت ياتاج الدين ،احنا اسفين يافارس لكن مشكلتى فعلا اكبر من مجرد بكاء وحزن انا واحده اتكتب عليها مصير ماخترتهوش اتلعنت من وانا طفله بسبب صراعات مليش دخل فيها واللعنه مش هتبطل الا على ايد انسان يحبنى بجد ويضحى بحياته عشاني ويقدر يواجه لعنه سيد الظلام ويفدينى بروحه

– فارس “انا مش فاهم حاجه وبعدين هو انتى تعرفى حقيقتك ايه

– جوريه ” انا جوريه بنت نوران كانت اكبر ساحره فى المملكه قبل ماتنشق عن بلادها وقومها وتتجوز والدى الا لما اهلها عرفوا قاطعهوها لسنين لكن

– تاج الدين ” استنى انتى ياجوريه انا الوحيد الى كنت شاهد الى حصل واقدر اقولكم ،انا كنت صديق للاميره نوران زى الملك او بالاصح كنت بحبها بس من غير ماحد يعرف لانى شوفتها قبل الملك لكن هى حبته هو ولما اخترته احترمت ده وعشان مهنتى كطبيب اعشاب كان سهل على اعرف هى مين وواجهتها لكن قالت ياريت ده يكون سر بنا عشان لو الملك عرف هيسبها ولما والد الملك اتكلم مع ابنه عشان يترك نوران عشان تأخرت فى الخلفه ، اتجننت سعتها لانها كانت بتحب والدك اوى فااتجهت لاسوء طريق ممكن تمشى فيه الى ارض السحر واستعانت بسيد الظلام عشان تقدر تخلف وفعلا عمل طقوس بدمه والى اتفق مع نوران ان الطفل الى هيتولد يكون ليه ويدربه على السحر الاسود ويكون تحت ايده ولو خالفت الوعد يبقى بموتها ولعنه الطفل ،وده الى حصل يوم مانوران خلفت جوريه جيه وقت عشان ملك الظالم يطالب بيكى ، فرفضت امك وسعتها والملك عرف وحصل مشكه كبيره ومكنش عارف سعتها يحميكى ازاى وقررت والدتك تاخدك وتهرب لكن السيد الظلام عرف وراح لها فى القصر وقتلها قدامك وكان هياخدك راح والدك جرى عليكى وخدك فى حضنه وقف ضدد ملك الظلام ،

– لكن سعتها وصل معه الى اتفاق عشان يحميكى يعفوا عن الساحرات ويلغى قانون اعدامهم وياخدك انتى لم تكملى سن الزواج ،لكن الملك رفض قاله بنتى مش هتجوزك ،قال مش برضاك بنتك هتفضل ملعونه حتى اخر الزمان ،واللعنه مش هتبطل غير لما يظهر الشخص الى يقف قصادى وطبعا ده عمره ماهيحصل لان هيقتله

– فارس ” معقول طيب ليه عايز يتجوزها

– جوريه ” لانى احمل جزء من قوته ولما مبقتش معه هبقى ضدده ،وكل الامراء والملوك الى اتقدموا ليا كنت بقصد البكاء قصادهم لان مش هما الموعدين لحمايتى لان كان ممكن بسهوله يعرفوا حقيقتى عشان كده تاج الدين اقترح على ابى المسابقه ،عشان يظهر الشخص الى يقدر يضحى عشانى ويدخل الغابه السوداء ويتعرض لمخاطر كتير ويشوف هيكمل ولا ،وانا كنت براقبكم من بعيد يافارس وصحيت تاج الدين فى الوقت المناسب عشان يقدر ينقذك لما الجنيه حاولت تقتلك لان كل ده كان امتحان ليك

– فارس ” امتحان ،حبى ليكى مش محتاج امتحان عشان يتاكد ،كان المفروض ياتاج الدين كنت تقولى وانت اكتر واحد عارف مقدار حبى ليها قد ايه ،انا هساعدك واعمل المطلوب منى عشان اطلعك من كل ده وليكى حريه الاختيار فى الشخص الى عايزه تكونى معه سواء انا او غيرى ،وطلعت برا البيت لان حسيت انى جواه لعبه مش عارف نهايتها

– جوريه ” طلعت ورا فارس ، انا اسفه يافارس انا كنت منبه على تاج الدين ميعرفكش الحقيقه لغايه لما تشوف الخطر بنفسك وتقرر اذا كنت هتكمل ولالا وعلى الاختيار فاانا اخترتك خلاص من لما سمعتك فى بيت تاج الدين وانت بتكلم عليا تعرف انت يافارس الانسان الى بدور عليه من زمان

– فارس ” بجد ياجوريه ده احلى كلام سمعته ،عارفه لوهموت على ايد ملك الظلام هكون سعيد كفايه انى اكون عرفت انا بالنسبالك ايه ، بس صح انتى ازاى بتقدرى تيجى لوحدك هنا ومتخفيش واهل والدتك مش قاطعوكى من زمان طيب عرفوا بيكى ازاى وقدروا يغفروا لامك بعد الى حصل

وفجاه وانا بكلم جوريه شكلها اتغير

وفجاه وانا بكلم جوريه شكلها اتغير وعينيها تحولت لسواد

– جوريه ” انا ساحره محدش يقدر من الغابه السودا يجى جنبى والساحرات هنا واهل والدتى بيحبونى وبيساعدونى كتير ودربونى على السحر من وانا صغيره وتاج الدين كان بيساعدنى وبعتبره زى والدى وخوفه عليه هو الى بيخليه يجى الغابه السودا لوحده عشان يطمن عليا لان بابا ترك له جميع مسؤلياتى ،اما عن اهل البلده فهما بيكرهوا ملك الظلام لانه بيفرض عليهم ضرائب وسبب فى موت نص الشعب واستعبادهم واستخلاص قوتهم لكن منعرفش ليه وده الى عايزين نعرفه يافارس عشان نقدر نخلص اهلى منه هما ساحره بس عمرهم ما كانوا سبب لاذى حد ،للاسف كلنا اتربينا ان الساحرات مصدر شر واذى لينا وكان ديما الشعب بيطالب بااعدمهم وهما عمرهم ما إذو حد بس عبنا اننا بنخاف من اى قوى غريبه عننا وبدل مانقف جنبهم ويكونوا مصدر عون وقوة لينا بسحرهم بقينا بنقتلهم ونخليهم مصدر كره وشر لينا

– فارس ” عندك حق ياجوريه اوعدك انى هساعدك واحرر الساحرات حتى لو هضحى بروحى عشانهم

– جوريه ” متقولش كده انا معاك ومش هسمحلك تكون اضحيه ابدا لحد فاهم حتى لو كنت انا

فارس ” قولت فى سرى ، لو سبب موتى هيكون سبب سعادتك ويبعد عنك اللعنه مش هتردد لحظه انى اضحى بنفسى عشانك

جوريه ” صح ،انا بعت خالتى البلده عشان تعرف الى بيحصل فى قلعه ملك الظلام هى وأصدقائها ،ولما تيجى هتقولنا وسعتها نشوف نقدر نعمل ايه

– تاج الدين ” جوريه الحقى واحده برا بتقول ان خالتك الحرس ملك الظلام قبض عليها ،وبتقول ان اعدام بعض الساحرات هيكون الليله

– جوريه ” اعدام ايه ،فينها دخلها بسرعه ،

– فارس ” وظهرت امرأه اربعنيه ذات شعر احمر وبتكلم بخوف بتقول انها شافته ،وازاى بيقدر يمتص قوه الساحرات ،واخد نصف الساحره الى فى البلده وانه قدر يسيطر على البلده كلها وانهم خايفين منه لانه اقوى منهم و قلعته هى مصدر الحمايه له والسر انه بيجمع قوه الساحرات عشان يقدر يحتل ممالك الارض بااكملها وديه خطته وطبعا عرفنها من المساعد بتاعه (قزام )فتن عليه لما قتل اهل بلدته ، وبعدين هنقدر على ملك الظلام ازاى

– جوريه ” هنقذ خالتى ازاى ده هيقتلها

– تاج الدين ” اسمعى انتى روحى للبلده كلها والى تعرفيهم احكى لهم قصه جوريه وانها من دم ملك الظلام وخدى حد معاكى عايز الخبر ده ينشر فى ارض السحر كله انهارده وعرفيهم انها هنا عند عائلتها وكانت عيشا معاهم من زمان

– جوريه ” ايه الفايده من كل ده ياتاج الدين وهيرجع ازاى خالتى نارين

– تاج الدين ” عرفا الفتنه لما تعمليها وسط الشعب يكون مظلوم ومتاخد حقه احنا مجرد هنشعل الفتيل اما شرره الحرب هما الى هيقوموا بيها ، وشويه وهتلقيهم كلهم بقوا عندك عشان تنجديهم لانك السليله من دمه ،وسعتها هنقرر الهجوم هيكون ازاى

– فارس ” فهمت قصدك ، يعنى هنقلب السحر على الساحر وكده نحرر جوريه من لعنتها

– وفعلا تجمع اهالى بلده السحره عند جوريه عشان تنقذهم ،واتفقنا ناخد اكبر عدد منهم ونهاجم قلعه ملك الظلام ،لكن بخطه معينه وهى اقوم بقتل ملك الظلام لكن من غير مانقول لجوريه الكلام ده واتفقت مع تاج الدين انها تكون فى امان ومتتدخلش القلعه ابدا وتفضل بعيد لانه عايزها ،وهى ورفضت طبعا تقعد فى البيت وصممت تيجى معانا

– وجيه وقت الهجوم وسعتها كل الساحره اتجمعوا عند القلعه ، الى كان شكلها فخم جدا وكان عليه زخارف وطلاسم محفوره على جدران القلعه ورسومات شكل الشياطين وهما بيشفطوا كل قوة الساحرات من اجل ضمان تجديد قوتهم وفى صوره ايضا محفوره عن بلده الساحرات والشيطان يقتلهم وصوره طيور ضخمه ايضا صوره جبل الحمم البركانى كنت بتفرج على الاشكال والرسومات المحفوره فى القلعه واستغربت من شكلها راح تاج الدين بص ليا وقال الرسومات ليس من صنع بشر بل الشيطان نفسه من صنع وحفر القلعه ليرعب البلده لكن كبار كهنه الساحره حطو سر قتل ملك الظلام على جدران القلعه واحد بس هو الى هيقدر يعرف السر ازاى يقتله فاهم يافارس ، كنت بسمع كلامه مستغرب لانه قصده انى انا الشخص ده طيب انا مش فاهم حاجه من الرسومات افهم اقتله ازاى ، ومشينا لااخر القلعه وظهرت بوابه حديد ضخمه ولما قربنا من البوابه اتفتحت بسهوله لكن استغربت من دخولنا المباشر واول مادخلنا لقينا طيور على هيئه نسور ضخمه جدا هجمت على الساحرات الى معنا وخدتهم ورفعتهم لفوق ورمتهم ،روحت مسكت جوريه من ايديها وجريت بيها لبعيد واستخبانا خلف عمود فى القلعه ولمحت بعينى من بعيد شخص طويل واقف فى اخر دور من القلعه وماسك عصا كبيره وبيحرك النسور باشاره منه اكن بيحرك عرايس من الخيط بامر منه فهمت سعتها انه ملك الظلام وكان عارف بهجومنا عليه وبلف عشان اقول لجوريه لقيتها اختفت ازاى كانت ماسكا ايدى هنا وجريت ادور عليها سمعت صريخ عالى جاى من فوق لقيت النسر خاد جوريه وطار بيها لااعلى القلعه عند ملك الظلام جريت عليها بس ملحقتهاش ،روحت ناحيه باب القلعه الرئيسى لكن كان مقفول جامد ولقيت تاج الدين جاى يجرى عليا وقال ده مقفول بسحر وطلاسم مش هيفتح ،مكنتش عارف اعمل ايه ،ولقيت النسور بطير لااعلى روحت جريت على نسر فيهم ونطيت عليه وطلعت حبل لفته حوالين رقبته عشان اتحكم فيه ويقدر يطير بيا لااعلى القلعه عند جوريه ،وفعلا طار بيا لفوق روحت نطيت ودخلت الدور الى موجوده فيه جوريه وملك الظلام واول مادخلت لقيت جوريه نايما على سرير خشبى على هيئه نجمه ومربوط ايدها ورجليها وسيد الظلام ماسك سكين مدهب ويحاول ان يقتلع قلبها كان بيقول كلام غريب وانا كنت مستخبى وراى الباب واول ماشوفته جريت عليه وزقيته بعيد وحاولت افك جوريه ،وفجا لقيت نفسى مرفوع لفوق فى الهواء وحاجه بتخنقنى من رقبتى ولقيت سيد الظلام ماسك العصايا بتاعته وماشر عليا بيها وفهمت ان العصا ديه سر قوته وبيقدر يتحكم فى قوى الشر بيها ،كنت عمال احرك رجلى وايدى ومش عارف اخد نفسى وملك الظلام بيبص ليا وبيضحك ويقول انت ياانسى هتقدر على اكبر قوى السحر الاسود انت هتموت هنا جوريه ملكى قوتى معها لو مجتش برضها يبقى موتها على ايدى واقدر ارجع قوتى وقوه امها كمان معها ،ولسه هيغمى عليا لقيت جوريه حركت اديها لفوق واخرجت قوتها اتجاه ملك الظلام وطيرته بعيد وقعت انا على الارض .

لقيت جوريه حركت ايديها لفوق واخرجت قوتها اتجاه ملك الظلام وطيرته بعيد ،ووقعت انا على الارض

– جوريه “جريت علي فارس ،انت كويس دلوقتى ،

فارس “انا تمام بس لازم نخرج من من هنا قبل مايقتلنا ،ولسه هنجرى ناحيه الباب لقيت نفسى طرت لاخر الباب واتخبطت فيه جامد ولقيت جوريه طارت فى الهواء باتجاه ملك الظلام ،وانا مش عارف اتحرك من اثر الخبطه الى جات على دماغى،ولقيت ملك الظلام ماسك جوريه من رقبتها ورفعها بايده لفوق ويمتص قوتها وروحها وهى مش عارفه تتحرك قولت لازم اقوم انقذها ولقيت العصا يه السحريه بتاعته قريبه منى حاولت امشى بصعوبه وخدتها وجهتها عليه بكل قوه راح طار بعيد وقعت جوريه من ايده فى الارض ،جريت على جوريه كانت مغمى عليها ومش عايزه تفوق حاولت افوقها لكن مافيش اى رد فعل منها شلتها وجيت عشان انزل لقت ملك الظلام بيشدنى جامد روحت نزلت حوريه بسرعه قبل مايحصلها حاجه وهو بدا يسحبنى ،ويقولى انت فاكر هتعرف تاخدها منى زمان امها رفضتى وفضلت ابوها الملك عليا وفى الاخر ظهرت قد ايه كانت ضعيفه لمت لجئت ليا عشان تخلف وتجيب طفل من الملك ولما ساومتها على بنتها رفضت وافتكرت انها كده هتفلت منى متعرفش ان ممكن اخد روحها فى ثانيا ودلوقتى انت فاكر هتنقذها منى زى امها ده انا اقتلها واقتلك معها وبدا يقول طلاسم غريبه ورفعنى عشان ياخد روحى كنت بقاوم ولقيت السكين المدهبه الى كان عايز يقتل بيها جوريه سحبتها من جنبه من غير مايخد باله وهو بيتكلم ولسه هيبدا ياخد روحى طعنته بكل قوه فى قلبه ووقعت على الارض ،وقولتله طول ماانا عايش استحاله اخليك تقرب منها او تلمس شعره منها ده بموتك فاهم ،

– ملك الظلام ” كان واقع على الارض ووضع ايده على قلبه ،انت كده هتقتلنى انا مش هموت بسهوله ديه ياغبى

– فارس ” عارف ،متخفش عامل حسابى ومسكت العصايه السحريه ووجهتها ناحيه النسور الطائره وامرتهم ياخدو ملك الظلام ويرموه فى جبل البركان الاحمر وفضل ملك الظلام يصرخ بصوت عالى ويقولهم انا سيدكم انا الى باموركم لغايه ماوقع فى الحمم البركانيه وديه كانت اخره ملك الظلام

– فارس ” جريت على جوريه الى كانت فى عالم تانى ومكنتش راضيا تفوق ومش عارف اعمل ايه سعتها ولقيت تاج الدين بيجرى علينا ومسك جوريه وقال سيد الظلام امتص قوتها حياتها فى خطر

– طيب وبعدين هنعمل ايه لازم تصرف جوريه بتموت ،

– تاج الدين ” متخفش وطلعت زهره الاقحوان كانت معايا على طول وطحنتها مع مايه وشربتها ،لكن بردو مافقتش

– فارس ،وبعدين هنعمل ايه مصحيتش ليه جوريه مافيهاش نفس ديه بتموت اتصرف ياتاج الدين

– تاج الدين ” انا عملت كل الى بايدى الحل بايدك انت يافارس ، فاكر لما قولتلك ان اللعنه مش هتروح الى مايظهر حد يضحى عشانها ويقدر ينقذها بروحه ،جوريه لسه ساحره يعنى ممكن تتقاسم روحك معها زى ماالجنيه كانت هتعمل معاك ،لان جوريه مش اى حد هتستقبل منه ده

– فارس ” سعتها فهمت قصد تاج الدين وبصيت لجوريه ورفعتها وحضتنها وبعد كده قربت وشى ليها وفضلت تسحب فى روحى لغايه لما فاقت ،ولما فاقت وشفتنى زقتنى بعيد وتقولى انت اتجنتت عايز تموت وفجاه اغم عليا محستش بحاجه

– ولما فقت لقيت نفسى على سرير فى غرفه كبيره فخمه اوى وفيها ستائر بيضاء استغربت من المكان ولما روحت ناحيه الشباك اتصدمت من الى عرفته انى فى غرفه قصر الملك والاغرب فى احتفالات كتير برا ،ولقيت باب الاوضه بيخبط ولقيته تاج الدين وبيقولى اخير فوقت يالا شد حيلك فوق عشان تحضر فرحك

– فرحى انا طيب ازاى ومين

– تاج الدين ” اومال انت فاكر الاحتفالات الى فى المملكه ديه لايه ، اهو الملك نفسه جيلك

– فارس ” لقيت الملك بنفسه والد جوريه جيلى وبيشكرنى اوى انى سبب فى انها اللعنه والتعب الى شافه مع جوريه وانه اعلن فى المملكه ان عثر على علاج ابنته وانا الى قدمته ليها عشان كده اعلن زواج ابنته منى ابن راعى الغنم ،كانت اسعد لحظه فى حياتى لما احلامى كلها اتحولت لحقيقه وقدرت افوز باميرتى جوريه الى كانت اجمل واحلى عروسه ،لما طلت بفستانها الطويل الابيض الستان وكانت سعيده برويتى وقالت اول مره فى حياتى اضحك واحس بسعاده لانك مصدر سعادتى وحياتى ديه انت الى وهبتهالى،

قولت وهفضل عمرى الباقى مصدر اسعادك وفرحتك الجايه يااميرتى

– وقدرنا نصنع التوازن بين وعالمنا وعالم السحر الى فضل مختفى فى سلام خلف الغابه السوداء بعيدا عن اعين البشر وكحمايه ليهم ،وانا الى حققت التوازن ده بعد ما الملك تنازل عن عرشه ليا لكى ادير امور المملكه انا وملكتى وحلم عمرى جوريه ،وفضلنا فى سعاده ابديه وخلفنا صبيان وبنات ملئ علينا المملكه ورثوا شجاعه ابوهم وسحر امهم

– ،ومع طلوع الصباح سكتت الكاتبه عن الكلام المباح حين الديك صاح معلنا ان الصباح قد لاح والليل يشد الرحال ، وانتهاء حكايتنا مع الاميره الباكيه التى عثرت اخيرا على مصدر سعادتها وبهجتها مع اميرها الوسيم فارسها الشجاع توتا توتا خلصت الحدوته ،ويارب تكون قصتى كانت خفيفه عليكم