الوصول الى القمه( مسرحيه صغيره عن متلازمه داون)

 

تأليف / اسماء يمانى 

المقدمه

لاشئ مستحيل لان ربنا على كل شئ قدير نحن اطفال متلازمه داون خلقنا مثل الملائكه ننشر السعاده فى القلوب البشر ولانطمع فى شئ غير الحياه مثلكم حياه طبيعيه نحتاح للاهتمام والتشجيع عندنا طموح وامال لبكره نفسنا نحققها ،نعم نحن مثلكم ولنا نصيب فى تحقيق الحلم لكن بمساعدتكم انتم لا بتجاهلكم نحن نحتاج الى الرعايه والدعم منكم ومن العائله ايضا نحن نحتاج الى حياه طبيعيه خاليه من اى عنصريه وتنمر من اجل تحقيق احلامنا وطموحاتنا لنتمكن من ان نصل الى القمه

المشهد الاول

تتدخل المدرسه هاله وتتحدث الى مدير المركز للرعايه متلازمه داون استاذ مجاهد

هاله ” ازى حضرتك يااستاذ طبعا زى ماحضرتك عارف احنا فى مركز التدريب اطفال متلازمه داون احنا بنقدم ليهم الدروس والمناهج بطريقه بسيطه زى المناهج المدارس العاديه ونساعدهم على تنميه مواهبهم عشان يقدروا يحسوا انهم مش اقل من حد وعشان كده ايه رايك اننا نعمل مسابقه مع مدارس تانيه عاديه وناخد احسن خمس طلاب عندنا ويكون عندهم مواهب بجد وهنسابق معاهم فى جميع الانشطه

استاذ مجاهد ” ديه فكره حلوه بس تفتكرى هنقدر نكسب فى المنافسه ديه لان ممكن تكون المنافسه غيرعادله بالنسبه ليهم

استاذه هاله ” اكيد طبعا وحضرتك متنساش احنا اشتغلنا معاهم وهما اطفال اذكيا ويقدروا يكسبوا المسابقه انا عندى ثقه كبيره فيهم

– استاذ مجاهد ” خلاص لو كده على بركه الله

– استاذه هاله ” وهعمل اعلان عشان الى عايز يقدم هتواصل مع الاهالى كمان عشان هيساعدوا اطفالهم ويقدموا الدعم ليهم

المشهد التانى

فى الفصل الطلاب يجتمعون وهما خمسه اصدقاء نور وريم وضحى وشروق ورحمه من ذو متلازمه داون

رحمه ” سمعتوا يابنات ان فى مسابقه الاستاذه هاله عملها ايه رايكم ندخل فيها

ريم ” بس انتى يارحمه ايه موهبتك انتى كل شويه تاكلى شوفتى تخنتى ازاى من كتر بتاكلى السندوتشات فى الحصص

– رحمه ” انتى الى تخينه مش انا ،على اقل مش بكلم نفسى والناس تقول عليا مجنونه

– ريم ” يسلام لا انا بكلم صحابى على النت ومسمينى مذيعه المستقبل معزوره اش عرفك انتى فى السوشيال ميديا (وبطلع لسانها ليها)

رحمه ” فى غضب ،ريم بس بدل ماقوم عليكى

– ضحى ” يواه خناقه كل يوم مش هتبطلوا كل واحده بتعاير التانيه بحاجه

– نور ” يسلام ياضحى مانتى بتمشى تشخبطى على شباك الازاز هههههههه زى الاطفال

– ضحى ” تنظر اليها نظره غضب ، ياجهله ده فن ورسم على الازاز لتحسين منظر العام ، وبعدين مش احسن من صوتك المسرسع وتغنى وتقولى اة اة اة اة يالليل ياعين

– نور ” ههههههه لا انا صوتى مش مسرسع انا صوتى حلو وبكرا هكون احسن مغنيه واقدم فى ارب ايدل كمان واتشهر وتيجوا تشاوروا عليا من بعيد وانا مش هعرفكم تانى ههه

– شروق ” بس بقى صوت عالى ، مش عارفه اكتب كلمتين منكم اهدوا شويه ،وانتى يارحمه مسابقه ايه ديه

– تدخل الاستاذه هاله ” اقولكم انا يابنات ديه مسابقه للمواهب الجميله الى زيكم كده هندخل فى مسابقه مع مدرسه تانيه والى هيكسب هياخد جايزه كبيره اوى وممكن يتكرم من الرئيس كمان وتحققوا كل الى نفسكم فيه ولازم تكسبوا فاهمين يابنات ياحلوين

– شروق ” بس ياستاذه هاله انتى بتقولى مدرسه تانيه يعنى مش زينا تفتكرى هنكسب

– الاستاذه هاله ” يسلام على فكرا انا جيت اقولكم بذات عشان عارفه انكم شاطرين ومتفوقين فى الدراسه ،انتوا اصحاب زوى الهمم ، يالا بقى انا همشى وانتوا جهزوا نفسكم عشان نبداء التدريب ،وانا واثقه فى موهبتكم

المشهد الثالث

– ضحى ” انا خيفا ياشروق احنا هنافس ناس مش زينا تفتكرى ممكن يتريقوا علينا لما يشفونا ونخسرعشان احنا مش زيهم طبيعين

– شروق ” ليه احنا متلازمه الهمم احنا هنقدر نكسب ونحقق حلمنا وبعدين انتى فنانه

انتى فنانه انتى الى رسمه على حيطان وازاز المركز كله وهتنافسى فى الرسم ،(وبعدين مسمعتش عن اول معيد جامعى ابراهيم الخولى من متلازمه داون فى جامعه الاعلام وبيدرس للطلبه وبيحبوه كمان وحلمه يكون رئيس الجامعه كمان)

ضحى ” بجد ياشروق وبيدرس كمان ،تعرفى انا نفسى اكون زى الفنانه التشكيليه الجزائريه( رميساء )فنان اتحديت نفسها وقدرت ثبت موهبتها امام العالم كله ان متلازمه داون يقدوا يحققوا المستحيل

ريم ” طيب رحمه بتعد تاكل كل شويه ديه حتى مخلصه سندوتشات المركز كله ههههههه هتعمل ايه هتتدخل منافسه مين ياكل اكترههههههه

رحمه ” فى غضب ونرفزه ،يوه يابت انتى مش هخلص منك وبعدين ماهما الى مش بيرضوا ياكلوا السندوتشات بتاعتهم ، وبعدين انا ليا موهبه طبعا نفسى اطلع شيف واحضر جميع انواع الاكلات زى الشيف الامريكى (تيم هاريس) شيف من متلازهه داون وعمل مطعم باسمه كمان بيقول انه صديق العالم والناس بتيجى ليه من اخر الدنيا ،شوفتى بقى مصيرى ابقى زيه وتضع يديها على بطنها وتحركها وتقول يسلام لو احضر بطه محمره و حمامه جنبها

ريم ” ههههههههههه طفسه مش بقول مش بتفكر غير فى بطنها

رحمه ” يسلام وانتى الى شاطره اوى انتى اصلا ايه موهبتك

ريم ” ان اكون مذيعه واقدر اعرف الناس كلها احنا زيهم طبعيين احنا من حقنا نحلم بجد ونحقق حلمنا احنا متلازمه داون نقدر نحقق المستحيل زى المذيعه (رحمه خالد )وهى بتركز على الحالات الى شبهنا وقد ايه يقدروا يحققوا المستحيل وبتدعم قضياتنا لانها منهم

نور ” انا بحلم ان اكون مغنيه مشهوره واقدر انجح واغنى واكون مشهوره زى المغنيه (ماديسون تفلان) هى مغنيه اجنبيه وقدرت تحقق حلمها وتبقى مغنيه وهى بردوا من مثلازمه داون

– شروق ” بس تعرفى انا حلمى ان اكون كاتبه مشهوره من ذوى متلازمه دون واقوم بتأليف كتاب عن حالتنا واشرح للاباء دورهم لما يرزقوا باطفال شبهنا انهم لازم يتابعوا حالتهم الطبيه ويقفوا جنبهم ويساعدهم على تحقيق حلمهم وانهم لازم يتعاملوا معاهم على انهم مش اقل من اى حد، وميحسسوش اولادهم انهم عبء عليها بالعكس لازم يساعدوهم

– ضحى ” خلصتوا احلام مش يالا بينا بقى بينا نتدرب ولا هتفضل كل واحده فيكم حاطه ايديها على خدها ومستنيه المسابقه تيجى وتفشل يالا احنا لازم نتعب عشان نقدر نحقق احلامنا

– وفعلا ميس هاله تعبت معنا اوى واشتغالنا على مواهبنا وجيه وقت المسابقه والكل كان خايف وانا منهم

يتبع