المحطة جريدة إليكترونية شاملة
بقلم.. عبير السويس
اوجع مشاعر عشتها
انك لوحدك
وانت ساكت
كل حاجه فيك
بتصرخ
والجميع شايف وصامت
ممنوع عليك
الحزن يظهر
اكتم الوجع الأليم
واما تقابلهم تبتسم
اصحاب مشاعر من ازاز
هما العزاز
مبيسألوش ايه إللى بيك
المهم هما بس
وهما شالو هم مين
ملقتش جنبك ناس تحس
ولا يواسوك بكلمتين
حتى الدموع
سرقوها منك
وانت بتخبيها قهر
برغم أن الوحده صعبه
بس إللى أصعب
انك تنافق
وتبقى مقسوم م الوجع
وتبقى بتموت يا جدع
ويعملو ضهرك طريق
ويسبوك
اول ما تنقص قوتك
ويحلفو بمحبتك
وهما اصلا كدابين
وف وقت ضيقك
تفتكر اد ايه
انك حمار
ازاى بتتحمل ده كله
وليه الحمل عشت بيه
كنت طب هتعمل ايه
وانت محبوس
جوه نفسك
وكلهم جريو وسابوك
ملقتش حد
مخلص بجد
غير إللى حالفين يكسروك
