بقلم بوسي عواد
ملعون ابو الدنيا اللي تخلي البنى آدم يتحوج حتى لأقرب الناس ليه معلون ابو الدنيا اللي تخلي دمعة تنزل من عين انسان مقهور مش محتاج غير كلمة حلوة أو طبطبة وقت ضعفه تقويه على مشوار الحياة الصعب
مين قال ان السند في حد السند والعوض عند ربنا أسند نفسك بنفسك متستناش حد يساعدك ولا ياخد بايدك امشي طريقك بص قدامك ابعد عن اللي يعطل حلمك
دراعك هو سندك في الدنيا خفنا كتير وراعينا احساس ناس ياما ودور كدة جواك شوف مين حاسس بيك وبوجعك مش هتلاقي حد غير ربنا ربنا كبير عليه العوض والسند مفيش حد هيمسح دمعتك غير ايدك حدد حلمك وأجرى وراه يمكن في يوم الناس تفوق وتعرف قيمتك بس ياريت يعرفوها قبل فوات الأوان