المحطة جريدة إليكترونية شاملة
بقلم الشاعر محمود السعيد عبد الهادي
مستحيل تكون الشعبي دي أغاني
وليها ياناس كمان محبين
لا سمعت فيها كلام ولا معاني
ولا فيها ياناس تلحين
غير هبد وخبط وصوت عالي
وحاجات كتير تانين
وصلت لتريند ولتهاني
ومشاهدات بالملايين
لاتقولي بيكا ولاشاكوش
ولاحتي الواد أبو حسين
بكلامهم وجعولي وداني
وشبابنا بقوا ضايعين
من لبس وغيره بنعاني
وحنشتكي بس لمين
يرحم أيامك يا زمانى
بصراحه كان فيه سامعين
لكلام موصول علي أغاني
وكمان معاه تلحين
بيمس روحي وأحساسي
بشوق ياناس وحنين
وكانت الأصوات كده رباني
وأجيالي أكيد فاكرين
لاتقولي عيالك ولا عيالي
دا ولادنا بقوا خايبين
عايزين حموده الطلياني
ووداعا لتامر وشيرين
وإيهاب توفيق علي حماقي
وعمرو دياب وحسين
