المحطة جريدة إليكترونية شاملة
بقلم عائشة محمود
مالقتش زينه الاجنته الي لقتها وسط حاجتها واتصدمت وقالت “معقوله وقعت مني” رئيس التحرير قالها”مافيش داعي خلاص هخلي اي حد من المتدربين هناك يتعاملوا المهم الفتره دي مش هضغط عليكي في الشغل هسيبك للمناسبات المهمه ندوات مؤتمرات وده لمده شهر لحد ما المتدربين الجداد ياخدوا على المجال بتاعنا بعدها هنشوف بقى الوضع” بال زينه كان مشغول بالاجنته و رد فعلها على كلامه انها موافقه بس عايزه تاخد اجازه النهارده كمان علشان تعب السفر
رئيس التحرير وافق نزلت زينه من المكتب وراحت تاني على كافيه السعادة تدور على الاجنته قابلت هناك” نور ” وسألته عنها قالها” ما اعتقدتش اني لقيت اجنتتك هنا يمكن تكون في البيت” شكرته وراحت علي بيتها على امل انها تلاقيها بس ملقتهاش وقالت لنفسها ممكن تكون وقعت في القطر زعلت جدا عليها وحست ان فرصه انها تعرف مين الي كتب الكلام الي كان فيها مبقتش موجوده لامت نفسها شويه وبعدها قالت”الاجنته دي مش ليا ولا الكلام الي كان فيها ليا مع انها كانت مونساني..
انا احسن حاجه اعملها هي اني انام دلوقتي وبعد المغرب اعدي على يُسر وحُسن اسلم عليهم” نامت وهي تفكيرها كله في الاجنته والاساله الي ملقتش ليها اجابه ولما صحيت من النوم لقت الباب بيخبط “يُسر” بتقول بلهوجه” الحقني يا زينه حُسن تعبانه جدا ومش عارفه اعمل ايه ويظهر ان ده مش تعب كل مره ” راحت زينه بسرعه ولقت حُسن مغمي عليها وقعدت فتره تحاول تفوقها ولما فاقت زينه قالت ليهم “قوموا البسوا انتي لازم تكشفي يا حُسن ” يُسر و حُسن بصوا لبعض وقالولها ” بس احنا مقولناش لاخونا “أنس” عن اننا نزلين وهو شويه وجاي ممكن يقلق والتليفون الي معانا فصل شحن ” زينه قالتللهم ” بصوا احنا هنسيب ورقه في أول مكان ممكن يشوفه اول ما يدخل وننزل نطمن عليها وبعدها نرجع وان شاء الله مش هنتأخر” عملوا كده فعلا بس لما راحوا المستشفى اتفجأوا هناك من الي الدكتور قاله…
يتبع
