المحطة جريدة إليكترونية شاملة
كتبت فاطمة السيد
كشفت الفنانة شهيرة عن سبب اعتزالها الفن وتقربها لله
قائلة : اعتزلت الفن لأنه شغلني عن ربنا والصلاة، ولاحظت إني كنت بصلي بسرعة عشان ألحق التصوير، وقلت لازم أختار وأبعد عن التمثيل اللي هو هوايتي وشغلي الوحيد، لأني خريجة معهد تمثيل
وتابعت: بقيت أقضي وقتي في قراءة القرآن والأحاديث ومناجاة الله؛ وبأكلمه من قلبي باللغة العامية ومن دون تكلف، لأنه أنيسي وونيسي وجليسي، ومحمود ياسين مطلبش مني أعتزل، بالعكس هو مكنش يعرف وتفاجأ بقراري
وقالت عن محمود ياسين : أنا مش بنساه، ولم أتجاوزه منذ الوفاة حتى الآن، بالرغم من محاولاتي، الشهر المقبل يبقى سنتين، ولو هنتكلم عن محمود كزوج وإنسان فهو فعلا ميتعوضش، وأنا مفتقدة حاجة كبيرة في حياتي، ومحطمة ومش مظبوطة من بعده
وأضافت: مهما عملت مبقدرش أنسى محمود ياسين، وأنا لحد دلوقت بنده عليه وبحس إنه بيرد عليا وبيقولي نعم، ومفيش أصعب من الوحدة، وما كنتش أعرف إن ممكن يوصل بيَّا الحال لكده وإن ما يكونش محمود جنبي
واستكملت: محمود ياسين هو اللي سحرني علشان أتجوزه، وهو اللي بذل مجهود علشان يقرب مني وأحبه، وأنا كنت تقلانة عليه، لكنه اقتحم وحدتي بعد وفاة والدي وقرب مني واتعرف عليا لما كنت طالبة في معهد التمثيل .
