المحطة جريدة إليكترونية شاملة
كتبت – فاطمة السيد :
علقت الإعلامية رضوى الشربيني على رسالة أحد متابعي برنامجها هي وبس يتساءل عن سبب مهاجمتها للرجال الخائنين قائلة: “كلناعارفين إن الرجالة بتخون يا أما فيه راجل فرفوش بيحب الستات يا أما مبدأه التعدد، ولكن إنه يخون تحت ضغط دي أول مرة أسمعها فلوفيه أي واحدة بتتحرش بيك أو شربتك حاجة صفرا وبتضغط عليك بطريقة معينة روح بلغ عنها وما تحطش نفسك تحت أي ضغط ،قانون التحرش مش للستات بس للرجالة كمان روح بلغ عنها وأحنا كلنا في ضهرك وأوعى تتكسف على فكرة،لكن فكرة إن البحر يحب الزيادة فأحب أقول لحضرتك أننا في 2023 الحكاية بقت معكوسة عشان الرجالة بقت عاملة زي بوفيه الأكل المفتوح اللي الأكل بقاله من 4 لـ 5 أيام عليه كل واحدة تعدي تأكل وتمشي وفيه اللي بطنها بتوجعها فمش بتكرر الأكل منه مرة تانية وفيه اللي متعودة على الأكل الحمضان ده “
وتابعت : “لو الضغوط دي لأن أنت زي الطفل مع الستات اللي بيمارسوها عليك فأشمعنا بتتحول لراجل على مراتك وتفضل تشخط وتزعق وتجعر والجيران يفضلوا يسمعوك واللا ماما طلعتلك أن ألف مين يتمناك كده روح اتعالج عشان تكون راجل مش متاح أو محترم احتمال برضه ،على فكرة أنا مش بهاجم الرجالة الخاينة عشان مش هيستحملوا مني دقيقتين أتكلم عليهم أنا بس بيتطلب مني أعلق على حاجة منحد أو حد بيأخد رأيي مش أكتر “.
