المحطة جريدة إليكترونية شاملة
كتبت – فاطمة السيد :
كشف المخرج خالد يوسف عن رأيه في فكرة الإيمان والتبارك بالأولياء خاصة بعدما سلط الضوء عليها في مسلسله الجديد سره الباتع قائلًا: “مش شايف الأضرحة خروج عن الدين، إنما بعض السلفيين شايفين كدا مع أن الأولياء جزء من تكويننا وعمرها ما كانت فيها كفر ولازندقة أو إيمان بدون الله “
وتابع : “اللي عايز يشوف التبارك بالأولياء في السكة دي براحته إنما المصري إيمانه سلس وبسيط وعفوي وبيتبارك بالآئمة والأولياء لأنها بتريح روحه أنا شخصيًا بعمل كدا وبحب الموالد جدًا وقدمت فكرة الأولياء في مسلسل سره الباتع بشكل بسيط من غير ما أقع في الخرافة والكرامات والتخيلات وعملتها بالأسلوب المصري الحقيقي لأن إيمان المصريين مفيهوش لعبكة ولا أسئلة كثيرة وبيتبارك بالأولياء ولا يشرك بالله، والفلاح البسيط اللي بيصلي ويرجع يزرع أرضه حتى مش بيروح الجامع إيمانه أقوى عشرين ألف مرة من أصحاب اللحية الطويلة “.
