المحطة جريدة إليكترونية شاملة
رد الإعتبار
تعرفي يامصر إنتي
الزمن بيكي راضينا
الهويه وجودنا فيكي
مهما روحنا ومهما جينا
ياما إتغربو الشباب
فيه اللي هاجر واللي غاب
كله ف الغربه دى عاب
قال يابلدي رجعينا
داقو ف البعد المآسي
كله عامل نفسه ناسي
والحقيقه ف جوفه إنتي
نبض قلبه و شئ أساسي
للدفا داب إشتياق
طعم الغربه مره داق
حن ليكي وقال خدينا
إتكسرنا واتأسرنا
وف جسدنا ألف داء
ماانتي قبلة الحياه
وإللي خان كان منتهاه
لما فكر يوم يبيعك
لا يا طاغي و ألف لا
العزه سلاح حامينا
والتراب فيكي آوينا
لما بالظلم إتأذينا
قولنا فيه رد إعتبار
ثورنا عاللي جم علينا
وبدأت الثورة بشرار
السلاح صاحي فإيدينا
للمقاومة إتهادينا
كل وطني قام وثار
رافض العيشه المرار
ع المواجهه خد قرار
وانتي شجعتيها فينا
بالعزيمه قويتينا
إوعى ياشعبي الإنكسار
ع العدو بارود ونار
باقيه بيكو أرضي ليكو
مصر ضد الإنهيار
وإنتصرنا عاللي خانو
إللي باعو وإللي كانو
وإللي عاشو يوم عليها
كان وجودهم أصله عار
وإترفع علمك ياوطني
إنتصرنا واحتفلنا
أرض عرض وع الكرامه
كل مصري حر غار
