المحطة جريدة إليكترونية شاملة
كتبت سماح إبراهيم
العيش الشمسي من اهم الموروثات التى يتمسك بها اهل الصعيد حتى الآن ولعمل العيش الشمسي ولطريقه تحضير كمية قليله
نحضر كيلو دقيق (عمل ست رغفة صغيرين) – قطعة خميرة بيرة من الفرن (ممكن معلقة ونص خميرة جافة فورية ومعاها معلقة سكر) و(ممكن رغيف ني من الفرن) – معلقة ملح – كوبايتين ميه دافيه مش سخنة – شوية ردة من الفرن او العلاف أو العطار .
الطريقة:- لعمل الخميرة : دوبي قطعة الخميرة البيرة في شوية ميه دافيين وحطي عليها شوية دقيق ممكن كوباية(غير ك الدقيق) واعجنيها لحد ما تتكون عجينة لينه ورشي على وشها دقيق لحد ما تغطيها .. ولعدين غطيها كويس وحطيها ف مكان دافئ لمدة تلت ساعة أو اقل انخلي الدقيق عشان يتخلله الهواء ضيفي شوية ملح لكوبايتين ميه دافية عشان العجن .. اعجني الدقيق شوية لحد ماتبقى عجينة لينة.
ضيفي الخميرة العجينة واعجني شوية وتطبي فيها لحد ما يبقى فيه عرق.
لمي العجينة كويس وسيبها تريح لحد ماتحضري صنيه أو اطباق مسطحة أو خشبة كبيرة وترشيها بالردة كويس .
قرصي العجين على الردة وسببيها دقيقتين بس .
بططي العيش بالراحة وانقليه للشمس وسبيه ربع ساعة وبعدين قلبيه عن الوش التاني وسيبيه خمس دقايق.
اعدلي العيش وانقليه للضلة وسييه ربع ساعة تاني يكمل تخمير .
اعملي فتحات فيه باي شكل يعجبك ( احنا بنعمل اربع فتحات على أربع جناب زي القرون ) ممكن تعملي مدور أو تلاتة .
تخبزي العيش ف فرن متسخن قبلها بعشر دقايق فوق وتحت .
سوي العيش على صاج الفرن مباشرة لحد ما يستوي .
بياخد وقت تقريبا خمسةعشر ل عشرين دقيقة
