المحطة جريدة إليكترونية شاملة
سحر أبوالعلا
انا الحلم اللي عاش مبتور
ونفسه يعدي برة السور
و مهما الصعب هيقابله
و مهما الدنيا هتعانده
مسيره في يوم يشوف النور
انا الحلم…
انا الحلم اللي قالوا عليه ملوش لازمة
و هو ده يعني اللي هيحل في يوم أزمة
حلفت لاخطي فوق الصعب
حلفت لاهد سور الرعب
و اخطي بحلمي برة السور
عشان حلمي يشوف النور.
انا الحلم….
انا الحلم اللي عاش جوايا
و مش هسمح بإنه يموت
و مش هسمح بإنه يكون
مجرد جثة جوة تابوت
نشيعها و ندفنها فى قبور اليأس.
انا الحلم….
انا الحلم اللي كان بذرة
يا دوب فكرة
و مسقية عناد و مسقية كمان قوة
طرح شجرة تهد السور
عشان حلمي يشوف النور.
انا الحلم.
