المحطة جريدة إليكترونية شاملة
بقلم عائشة محمود
قلبت الصفحه لقت الجزئيه الي قرأتها بشكل عشوائي في البدايه “بدور على لون عينك في كل العيون ولسه في قلبي حبه هموم لو اشوفك لوهله ارجع تاني طفل طموحه وجود حد زيك نظره واحده تطمنه وتخلي الجفون مقفوله مطمنه والنوم يُسكنها ويسْكنها … ” قلبت الصفحه لقت “بشوفك وبمنتهى اللهفه انا بحس بخفه، قلبى بيطير من الفرحه ببتسم ابتسامة بلهاء وكأني طفل بشوش ومن ملامحك لمحت كل الأمان وصوت قلبي مسموع تبتسميلي ف تزيد حلاوه كل حاجه حلوه في عيني وانا عيني مش شايفه غيرك وعن غيبتك انا غايب عن الطفل البشوش يمكن بكون عجوز صوت ركبتي هو الي مسموع.. ” قلبت تاني لقت” انا خايف.. خايف متكونيش ليا” قلبت تاني لقت” “كل حاجه فيكي تتحب.. كل حاجه فيكي من غير مبالغه… كل حاجه حتى انا شوفتني في عينك ف حبتني وحبيتك..” قلبت تاني لقت “الأنبهار بيكي كان لحظي كان شغفي ليكي مؤقت كان وجودك شئ معتاد لدرجه اني مكنتش عارف ان غيابك هيعمل فرق.. الفرق الي عرفته بعد فراقنا هو انك كنتي تتحبي على عكسي تماما متحبش يمكن علشان كده حبيتك يمكن علشان كده لسه بحبك، ندمان لاني ضمنت وجودك.. ” قلبت تاني لقت “احيانا بنغير حياتنا بتصرفتنا الي مش مقصوده تغيير بيوجع تغيير بيسيب جوانا حُفر مليانه مشاعر متلغبطه.. مكنش قصدي احبك.. مكنش قصدى اجرحك.. مكنش قصدى نبعد.. مكنش قصدى اوجعك واوجعنى … ” زينه وهي بتقرأ لقت الساعه ٩بليل والوقت اتأخر ومتعرفش يومها بكره هيكون ازاي وقالت هكلم رئيس التحرير اعرف هو عايزني اروح فين كلمته لقته بيقولها” زينه كنت لسه هكلمك بصي في ندوه بكره في علم النفس وهيكون في دكاتره وأعضاء من هيئه التدريس ودكاتره من كذا جامعه وكنت حاسس انهم هيدعونا واحساسي في محله لأنها ندوه مهمه المعاد بكره الساعه ٢ هبعتلك التفاصيل عن المكان واحتمال مقدرش أجى معاكي بس هكون على تواصل متقلقيش هيكون في مصورين من المتدربين في الجريده سابقينك على هناك علشان يغطوا الندوه .. “قاطعت زينه كلامه وقالتله” لحظه لحظه اي ده كله انت اتعديت مني ولا ايه واحده واحده ياريس مافيش مشكله في ده كله بس هو اكيد مش هبات هناك صح يعني هو يوم واحد؟ “قالها” معلش يا سيتي مره من نفسي مستعجل علشان التليفون هيفصل شحن المهم هو مافيش بيات مع ان الندوه يومين ورا بعض بس انا عارف انك مش بتحبي كده ف غطي بس الحدث مع كام لقاء وحاولي تستمتعي بالسفريه.. “الخط قطع بصت زينه على الساعه وعلى الاجنته وبصت على الساعه لقت الوقت مش مسامح غير انها تجهز حاجه السفر وتصحى بدري وقررت تاخد الاجنته معاها وتنام دلوقتي بس الي حصل في يومها مكنش متوقع خالص …
يتبع…
