المحطة جريدة إليكترونية شاملة
سلوي محسن
في خيط رفيع بين القسوة وبين إنك تحفظ حق نفسك لين القلب مطلوب وإنك تكون سهل ومرن في تعاملاتك وفي علاقتك بالناس اللي حواليك شئ مطلوب بس مش لدرجة إنك تقل من نفسك أو تهدر حقك رأيى إن مفيش حاجه في العلاقات أياً كان نوعها أخوات صحاب أزواج أقارب اسمها بدون مقابل لازم يكون في مقابل لكل شئ بنقدمة مش شرط بنفس القيمه بس على الأقل إنك تخلي إللي قدامك يشعر بقيمته او بقيمة الشئ إللي بيقدمه حتى لو بكلمه شكر ودا اسمه جبر الخاطر بتفرق كتير اوي في إستمرارية العلاقات..
العلاقات طويله الأمد بتستمر بالتقدير واللين وجبر الخواطر القسوه مش صعبه والمعامله السيئه بردوا مش صعبه الصعب هو لين القلب ولازم يبقى مع إللي يستاهلوا ودا مش ضعف أبدا دا قمة القوه اوعي ابدأ تتنازل عن حقك لازم تعرف إن زي ما عليك واجبات بتقدمها ف أنت كمان ليك حقوق لازم ما تتنازلش عنها اقلها حسن المعامله..
