المحطة جريدة إليكترونية شاملة
بقلم علا وحيد
يا سعدك ياهناك ياللي تلاقي صاحب جدع.. يقف جنبك فالمواقف وميسبكش… وان طلبت منه طلب يجبلك اتنين ويوفرهولك فلمح العين… وان قالك مش قادر هتصدقه عشان ارضيته كبيره عندك واللي عامله كتير معاك..
أما النداله فاعوذ بالله منها وربنا يبعدنا عن الغدارين.. اللى طول الوقت معزورين والكلام اللي ما بنا متعرفش اتقال لمين ولا لمين.. ووقت الجد مش هتلاقيه لا شمال ولا يمين.. وكل ما اتكلمه حتى لو بتحبه منتاش مرتاح وحاسس انه هيبيعك برخص التراب و بغدر السنين..
مهو الصديق سلاح ذو حدين..
يا يسترك، ويبقى مرايتك، والملك اللي يرد غيبتك، ياشيطان رجيم.. عايش يلملك اغلاط وذلل عليك… المشكله ان بقى في ناس كتير نفوسها مش حلوة.. وتفضل تعذب فيك بالسنين.. ويا تعيش مرتاح.. ياتفضل عايش في أرق طول الوقت…
عشان دا الوحيد اللي باختيارك واستمرار علاقتكم او نهايتها دا راجع ليك.. يعني مفيش بينكم مصالح.. ولا صله رحم… اغلب الصداقات بتبقى مبنيه على الحب والغشوميه.. ودا سلاح صعب اوي ومرمي على اخلاق الغير.. ودي يا بتطلع فالاخر منها بمشاكل عشان بتفضل تفضفض بعشم عشان يساعدك فمشاكلك..ويقف جنبك او حتي يشاركك فرحك… وهو باصص فحياتك ومش بيبص لتعبك خالص ولا ازماتك بالعكس بياخدها عشان يمسكها عليك ويطلعها وقت ماتيجي الخيه تحت رجليك.. الفكره ان المجتمع بقى بيقيس الحاجه بالغلط.. يعني لما حد يفضفض لحد هو اللي غلطان… مع انه دا حد تعبان او مضايق او بيقابله مشكله.. بيحكي لحد عشان مضغوط..مش ذنبه ان حد فتش سره.. ماهو وقت ضعفه معرفش يفرق بين السند والشوكه… واكيد بنقابل في حياتنت اللي بيحفظ سرنا.. وبنقابل بردو اللي مش بيراعي ربنا في اللي اتقاله.. بس أصعب حاجه العيش والملح.. وانك تبقى عارف ان صحبك دا بيسمعك عشان ينقل كلام.. او بيجهزلك عشان يغدر بيك.. وانت فاتحله بيتك.. وظاهره جديده في تطور الغدر أحقر ما يقال عليه.. ومن ابشع الأخلاق انك تسجل مكالمه او تاخد اسكرين لكلامه..عشان يبقى مع سند الاذيه
على فكره انت كده بتاذي نفسك عشان الحاقد بيحرق نفسه بنار غله وحقده اتمنو الخير للناس عشان يتردلك.. ومن ستر مسلما ستره الله يوم القيامه.
إنما الأمم الأخلاق مابقيت فإن ذهبت اخلاقهم ذهبوا.
دمتم في امان الله
