طريقة عمل الفطير المشلتت

كتبت سماح إبراهيم

المقادير..

كيلو دقيق

نصف كيلو زبده للفرد

معلقه كبيره سكر

نصف معلقه صغيره ملح

ماء للعجن

الطريقه

ف بوله كبيره هنحط الدقيق و الملح و السكر و ننزل عليهم بالمياه لحد ما العجينه تلم هننزل بالعجينه علي الرخامه و نعجن فيها لمده ربع ساعه لحد ما تكون مطاطيه و ناعمه كما ف الصوره

هنقسم العجينه الي ٩كورو ندهنهم زيت و نغطيها ونتركها نصف ساعه لترتاح

بعد ما العجين ارتاح هنبتدي نفرد كل كوره بحيث تكون شفافه ه نحط زبده و نطبق العجينه مثل الظرف و مع كل تطبيقه هنحط زبده و ترجعيها كوره تاني و تركنيها علي جنب كده اول واحده

تفردي الكوره التانيه بنفس الطريقة و قبل ما تقفليها تحطي جواها الكوره الأولي و هكذا تعملي ف التالته و انتي بتفرديها و زبده بردو و قبل ما تقفلي تحطي جواها الاتنين اللي فاتوا

كيلو الدقيق هيعمل ٣ فطائر مقاس ٣٠ بحيث كل فطيره هتدخلي كل ٣ كور جوه بعض عشان تبقي مورقه و طريه

تدخل فرن ساخن حراره عاليه تبقي قريبه من ارضيه الفرن متاخدش اكتر من ١٢ دقيقه مع المتابعه

اول ما بيهدي تغطيه عشان يفضل طرى