المحطة جريدة إليكترونية شاملة
كتبت شيماء رشاد
المكونات :
كيلو لحمه مفرومه وانا جايبه لحمه جملي
بي 5 جنيه فول صويا
٢ خلطه البرجر من ماجي
٣ بصلات كبار
معلقه كبيره بابركيا
شويه فيجيتار أو بقسماط
الطريقه:
_ هتنقعي فول الصويا في مايه مغليه نص ساعه
_ تقشري البصل وتضربيه في الكبه وتطلعيهم تصفي المايه بتعتهم واوعي ترمي المايه دي شليها في الفريز ممكن تتبلي بيها البانيه أو تتبلي بيها المشويات
_ هاتي فول الصويا بقا صفيه واضربي في الكبه
_ هاتي طبق وحطي اللحمه والبصل وفول الصويا وخلطه البرجر وشوايه الفيجتار ومعلقه البابركيا ودخليهم في بعض واعجنيهم كويس اوي
_ هاتي غطاء بطرمان وحطي عليه كيس وافردي بايدك البرجر في الغطاء هيطلع بشكل ده والغطاء قدامكوا في الصور.
وبعد ما تخلصي شيلي في الفريزر وتطلعي تقلي على الزيت
